柒柒子/「厘」群／地／坊

好多事 其實就係取決於當下的心情

今日係最後一組的PARTY GROUP PROJECT
同組的大部份都係佢地班人唔多鍾意玩的人
(我諗係比較古怪…但同時, 我卻可以同佢地有共同話題…想點先=.=)

係既, 仲係仍然無視我的架在 同我不睬不理

去廁所 唔係等我出黎、一齊出去
係另一個人係我後面等埋我 佢的樣子係想跟我了
我卻奢侈地想跟遠遠在前面的他們

坐位 原本我坐係阿BE隔離 MOMO坐我隔離
之後比人拎開左一張登 得返一個位
個個之前口口聲聲係到話想睇戲的仆街 口甘甘咁望住我
OK FINE 我走…
走到另一邊 我問隔離位 「有冇人」
佢話 「你坐低咪有人囉~」
個刻我覺得好窩心

我拎到禮物時, 唔係佢地係到叫 而係另外班人係到叫
就係我依家的組員 岩岩講左句好窩心的同學仔

影相 我唔再企埋佢地個到 我企開左一邊
企左去另一邊 同樣係我之前都唔會接觸的人
我話「阿JOE,你姐住我啊」
佢地會夾計姐我多D
個刻我都覺得好窩心

電腦室 我自己新組上左去做PROJECT
做PTH的做PTH 做SPA的做SPA
後來 佢地都到了
之後又再返黎 原來落左去問左老師佢地寫成點樣
個仆街XX文 有唔識打的字 問的唔係後面的同學
而係好前面的CK
(哈 其實頭先坐位佢都得隘坐返去後面:])

做PTH 其中一個好鍾意拎人著數的人叫我幫佢打文
我幫緊我自己個組員打 叫佢幫我打住先
佢自己係到HEA 哈 終究還是我太好了
最後嗎? 佢地幾條仆街走左先 得返拎著數的人係到
打完又係自己走左囉:]

我個組的同學因為要做英文練習所以要早走
係到做做下 其中一個同學走過黎話阿BE做緊LEADERSHIP
我個下O那左咀 冇人同我講過有做咩WO
(不過我諗都係最後較對多)
我問其中同我一齊做同一PART的同學係到 「你知唔知佢地搞緊咩」
佢話「唔知喎 不過我地個PART唔係好多野改姐 唉 你做事 我放心」
我個刻真係好感動
我等左幾秒「真係多謝你信任我啊 hahaha」

走那時 我都去搵左PTH的老師
問佢份野點點點 問完之後見到英文老師
係到同佢傾計 用英文傾計
得自己1個同佢傾計

走個時 我可以用腳步輕快黎形容
原來我都可以咁樣生活過黎

Miss講左句

「You are young」
「You still have long time to go... long way to go」

佢其實係講緊我的英文仲可以慢慢提升 唔洗驚

但同時 Miss同我講 佢都發現我有進步 唔算好大 不過係有進步的

原來 真係有人知道我既
原來 真係唔需要太在意佢地的黑口黑面(Black Mouth Black Face。BMBUXDD)
原來 我都可以過得好好

因為 我知道仲有好多朋友:]
即時唔係成日見
不過 當GATHERING的時候 又係大家聯絡的時候

朋友 其實真好多謝你地